தீபாவளி சீட்டு போட்டால் எப்படி நடக்கிறது..? மக்களே உஷார் | Tirupathur

திருப்பத்தூர் சுற்றுவட்டார பகுதிகளில் ஆயிரக்கணக்கான பெண்களிடம் தீபாவளி சீட்டு நடத்தி பல லட்சம் ரூபாய் மோசடி செய்த நபர், வாடகை வீட்டை காலி செய்து தப்பியோடிய நிலையில், அவரது வீட்டை 50க்கும் மேற்பட்ட பெண்கள் முற்றுகையிட்டதால் அங்கு பரபரப்பு ஏற்பட்டது. திருப்பத்தூர் தூய நெஞ்சக் கல்லூரி எதிரே காளியம்மாள் முதலியார் லே-அவுட் தெருப் பகுதியில் சுமார் 25 ஆண்டுகளாக வாடகை வீட்டில் வசித்து வந்த ராஜேந்திரன், சில ஆண்டுகளாக தீபாவளி சீட்டு நடத்தி முறையாக நகை கொடுத்து வந்துள்ளார். இதனை நம்பி சுற்றுவட்டாரங்களைச் சேர்ந்த பெண்கள் ஏராளமானோர் அவரிடம் சீட்டு கட்டிய நிலையில், ராஜேந்திரன் திடீரென வீட்டை காலி செய்து தப்பியோடியுள்ளார். இது குறித்து மாவட்ட காவல் கண்காணிப்பாளர் அலுவலகத்தில் புகார் அளிக்கப்பட்டுள்ளது.