போலீசுக்கு டிமிக்கி கொடுத்த ரவுடிக்கு தண்டனை கொடுத்த நாய்..! திருவாரூரில் சுவாரசியம் | Thiruvarur

திருவாரூர் மாவட்டம் கொரடாச்சேரி அருகே,

போலீசாரால் தேடப்பட்டு வந்த ரவுடிகள் இருவர் கால் எலும்பு முறிவு ஏற்பட்டு மருத்துவமனையில் அனுமதிக்கப்பட்டபோது போலீசார் கைது செய்தனர்.

கொரடாச்சேரி அருகே கண்கொடுத்தவணிதம் பகுதியைச் சேர்ந்த விக்னேஸ்வரன் மற்றும் பெருமாள் நகர் பகுதியைச் சேர்ந்த விஜய் ஆகிய இருவர் மீது திருட்டு, வழிப்பறி வழக்குகள் பதிவு செய்யப்பட்டுள்ளன. இருவரையும் போலீசார் தொடர்ந்து தேடி வந்த நிலையில், விக்னேஸ்வரன், விஜய் ஆகியோர் அம்மையப்பன் பகுதியில் இருந்து குளிக்கரைக்கு இருசக்கர வாகனத்தில் சென்றனர். அப்போது,

குறுக்கே நாய் வந்ததால் இருவரும் நிலை தடுமாறி கீழே விழுந்தனர். இதில் இருவருக்கும் இடது காலில் எலும்பு முறிவு ஏற்பட்டதையடுத்து சிகிச்சைக்காக திருவாரூர் அரசு மருத்துவக் கல்லூரி மருத்துவமனைக்கு வந்தனர். இதனையடுத்து மருத்துவக் கல்லூரி மருத்துவமனையிலிருந்து, கொரடாச்சேரி காவல் நிலையத்திற்கு தகவல் தெரிவிக்கப்பட்டது. இதையடுத்து இருவரையும் போலீசார் கைது செய்து நீதிமன்றத்தில் ஆஜர்படுத்தினர்.