இளைஞர் அடித்து கொல்லப்பட்ட விவகாரம்.. பிசிறு தட்டாமல் தட்டி தூக்கிய போலீஸ்

திருச்சி மாவட்டம் முசிறி அருகே இளைஞர் அடித்து கொல்லப்பட்ட வழக்கில், தலைமறைவாக இருந்த மேலும் 4 பேர் கைது செய்யப்பட்டுள்ளனர். சீத்தப்பட்டி டாஸ்மாக் கடை அருகே போதையில் ஏற்பட்ட தகராறில் இளைஞர் பாலகிருஷ்ணன் அடித்து கொல்லப்பட்டது குறித்து போலீசார் விசாரணை நடத்தினர். இந்த வழக்கில் ஏற்கனவே, 2 பேர் கைது செய்யப்பட்டுள்ள நிலையில், தற்போது 4 பேர் கைது செய்யப்பட்டுள்ளனர். மேலும் இருவரை காட்டுப்புத்தூர் போலீசார் வலைவீசி தேடி வருகின்றனர்.