சரக்கு வாங்கி கொடுத்து அத்துமீறிய PT சார்.. பள்ளி மாணவிகள் செய்த தரமான சம்பவம்

திருச்செந்தூர் அருகே தனியார் பள்ளி மாணவிகளை விளையாட்டு போட்டிக்கு அழைத்துச் சென்றபோது, மாணவிகளிடம் அத்துமீறியதாக உடற்கல்வி ஆசிரியர் கோவையில் கைது செய்யப்பட்டார்.திருச்செந்தூரை அடுத்த உடன்குடியில் உள்ள தனியார் தனியார் படிக்கும் மாணவிகள் 5 பேரை, உடற்கல்வி ஆசிரியராக பணியாற்றி வரும் பொன்சிங் என்பவர், கடந்த மாதம் 22-ஆம் தேதி மண்டல அளவிலான விளையாட்டுப் போட்டிக்காக தூத்துக்குடிக்கு அழைத்துச் சென்றார். அங்கு தங்கியிருந்த அறையில் மாணவிகளுக்கு மது வாங்கி கொடுத்து, அவர் அத்துமீறலில் ஈடுபட்டதாகவும், இதுகுறித்து யாரிடமும் தெரிவிக்க கூடாது என்று மிரட்டியதாகவும் தெரிகிறது. இதுகுறித்து அந்த மாணவிகள் பெற்றோரிடம் தெரிவித்ததை அடுத்து, அவர்கள் பள்ளியில் முறையிட்டும் அவர்கள் நடவடிக்கை எடுக்கவில்லை எனத் தெரிகிறது. இதையடுத்து, மாணவிகளின் பெற்றோர் பள்ளியை முற்றுகையிட்டனர். இதனால் பரபரப்பு ஏற்பட்டதை அடுத்து, மாவட்ட கல்வி அலுவலர் உள்ளிட்ட அதிகாரிகள் சம்பந்தப்பட்ட மாணவிகளிடம் விசாரணை மேற்கொண்டனர். இதற்கிடையே, கோவையில் தலைமறைவாக இருந்த உடற்கல்வி ஆசிரியர் பொன்சிங்கை போலீசார் கைது செய்து, விசாரணைக்காக திருச்செந்தூர் அழைத்து சென்றனர்.