`கால் அழுத்தி விட்ட ஆசிரியர் சஸ்பெண்ட்' - திடீர் ட்விஸ்ட் - வெடித்த போராட்டம்

கிழக்கு ராஜா பகுதியில் அரசு பள்ளியில் கணித ஆசிரியர் ஜெயப்பிரகாஷ் என்பவர் சேரில் அமர்ந்து இருந்த போது மாணவர்கள் கால்அழுத்தி விட்டதாக கூறி சமூக வலைதளத்தில் வீடியோ வேகமாக பரவியது... இதையடுத்து ஆசிரியர் ஜெயப்பிரகாஷ் மாவட்ட கல்வி அலுவலர் உத்தரவின் பேரில் சஸ்பெண்ட் செய்யப்பட்டார்... தகவலை அறிந்த அந்த பள்ளி மாணவர்கள் மீண்டும் கணித ஆசிரியர் ஜெயபிரகாசை பணியமர்த்த வேண்டும் எனவும் அவருக்கு அன்று உடல்நிலை சரியில்லாத காரணத்தினால் அவர் முதலுதவி செய்ததாகவும் கூறி கிழக்கு ராஜாபாளையம் பகுதியில் சாலை மறியலில் ஈடுபட்டனர்... 2 மணி நேர போராட்டத்தை அடுத்து போலீசார் மாணவர்களை குண்டுக்கட்டாக அகற்ற முயன்ற நிலையில் அதையும் மீறி மாணவர்கள் தொடர் போராட்டம் நடத்தினர். இதனால் அங்கு பெரும் பரபரப்பு நிலவியது....