மதுரை விமான நிலைய விவகாரம் - போராட்டத்தில் சரிந்து விழுந்த பெண்கள் - பரபரப்பு வீடியோ

மதுரை விமான நிலையம் அருகே உள்ள சின்ன உடைப்பு கிராமத்தில், விமான நிலைய விரிவாக்க பணிக்காக நிலம் கையகப்படுத்தப்பட உள்ளது. இதையடுத்து, அக்கிராம மக்கள், தங்களுக்கு மாநகராட்சி பகுதியில் 3 சென்ட் இடம், மீள்குடி அமர்வு உள்ளிட்ட கோரிக்கைகளை நிறைவேற்றிய பின்பு நிலத்தை கையகப்படுத்த கோரிக்கை விடுத்துள்ளனர். நிலத்தை கையகப்படுத்த அதிகாரிகள் வந்தனர். இதையொட்டி, ஆயிரத்திற்கும் மேற்பட்ட காவல்துறையினர் குவிக்கப்பட்டனர். அப்போது கிராம மக்கள் சிலர், மேல்நிலை நீர்த்தேக்க தொட்டியில் ஏறி போராட்டத்தில் ஈடுபட்டனர். மறியல் போராட்டத்தில் ஈடுபட்ட பெண்கள் சிலர் மயங்கி விழுந்ததால் பரபரப்பு நிலவியது.