நள்ளிரவில் வீசிய துர்நாற்றம்.. வண்டியை மடக்கி பிடித்து பார்த்த இளைஞர்களுக்கு ஷாக்

குமாரபாளையம் நகராட்சி பகுதியில் சேகரிக்கப்பட்ட குப்பை கழிவுகளை வாகனத்தில் எடுத்துவந்து ஈரோடு மாவட்டம் பவானியில் கொட்டப்படுவதாக புகார் எழுந்துள்ளது. செல்லியாண்டி அம்மன் கோயிலில் திருப்பணிகள் இரவு பகலாக நடைபெற்று வரும் சூழலில், நள்ளிரவில் திடீரென ஊருக்குள் வந்த குப்பை வண்டியை இளைஞர்கள் மடக்கியுள்ளனர். வாகனத்தில் இருந்து துர்நாற்றம் வீசியதால் கோபமடைந்த இளைஞர்கள், ஓட்டுநரிடம் வாக்குவாதத்தில் ஈடுபட்டனர். குப்பைகளை காலிங்கராயன் வாய்க்கால் அல்லது பவானி ஆற்றில் கொட்ட முயன்றதாக தகவல் வெளியாகியுள்ளது.