வாட்ஸ் ஆப்பில் வந்த தன் அந்தரங்க வீடியோ... யோசிப்பதற்குள் ஊர் முழுவதும் பரவிய அதிர்ச்சி - தென்காசி பெண்ணுக்கு நேர்ந்த கொடுமை

தென்காசி அருகே பெண்ணை ஆபாசமாக வீடியோ எடுத்து இணையதளத்தில் பரப்பிய இரண்டு இளைஞர்கள் கைது செய்யப்பட்டுள்ளனர். ஆலங்குளம் பகுதியை சேர்ந்த பெண் ஒருவர் தனது அந்தரங்க வீடியோ, தாம் வசித்து வரும் பகுதியில் பரவி வருவதாகவும் அவற்றை உடனடியாக தடுத்து நிறுத்தி, வீடியோ பரப்பிய நபர்கள் மீது நடவடிக்கை எடுக்க வேண்டும் என தென்காசி சைபர் கிரைம் காவல் நிலையத்தில் புகார் அளித்தார். விசாரணையில், பெண்ணின் ஆபாச வீடியோவை எடுத்த ஐந்தாங்கட்டளையைச் சேர்ந்த ஜெயராஜ் என்பவரையும், வீடியோவை வாட்ஸ் அப்பில் பரப்பிய ஆலங்குளத்தைச் சேர்ந்த சக்தி அருள் என்பவரையும் கைது செய்த போலீசார், பெண்கள் வன்கொடுமை தடுப்புச் சட்டத்தின் கீழ் வழக்குப்பதிவு செய்து சிறையில் அடைத்தனர்.