ஸ்தம்பிக்க வைத்த ஆயிரக்கணக்கான ஆசிரியர்கள்..! குண்டுக்கட்டாக தூக்கிய போலீசார்... பரபரத்த சென்னை...வெளியான காட்சி

பழைய ஓய்வூதிய திட்டம், இடைநிலை ஆசிரியர்களின் ஊதிய முரணை சரி செய்தல் உட்பட 31 அம்ச கோரிக்கையை வலியுறுத்தி தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழு 3 நாட்கள் போராட்டத்தை அறிவித்துள்ளது. அதன்படி சென்னை, நுங்கம்பாக்கத்தில் உள்ள டிபிஐ வளாகத்தை ஏராளமான ஆசிரியர்கள் முற்றுகையிட்டனர். தொடர்ந்து கூட்டம் கூட்டமாக ஆசிரியர்கள் டிபிஐ அலுவலகம் நோக்கி வந்த நிலையில், 1000க்கும் மேற்பட்ட ஆசிரியர்களை போலீசார் கைது செய்தனர். பாதுகாப்பை மீறி டிபிஐ வளாகத்தின் உள்ளே செல்ல முயன்ற ஆசிரியர்களை போலீசார் குண்டுக்கட்டாக கைது செய்ததால் பரபரப்பான சூழல் நிலவியது. வரும் 31 ஆம் தேதி வரை போராட்டம் அறிவிக்கப்பட்டுள்ளதால், டிபிஐ அலுவலகத்தில் பாதுகாப்பு அதிகரிக்கப்பட்டுள்ளது.