#JUSTIN || கொட்டிய பேய் மழை.. துடிதுடித்து அடங்கிய உயிர் | Rain | Karaikkudi | Tamilnadu

சிவகங்கை மாவட்டம் காரைக்குடியில் நேற்று மாலை இரண்டு மணி நேரம் பெய்த கனமனையில் சுமார் 154 மில்லி மீட்டர் மழை அளவு பதிவாகியுள்ளது. இந்நிலையில் . காரைக்குடி லட்சுமி நகர் பொன் நகர் செல்லும் ரயில்வே கேட் அருகே உள்ள ரயில்வே சுரங்க பாதையில் நேற்று பெய்த கன மழையில் மழை நீர் முழுவதும் நிரம்பி உள்ளது. இந்நிலையில் அப்பகுதியை சேர்ந்தவர் அதில் ஒருவரின் உடல் மிதப்பதாக காவல்துறைக்கு தகவல் தெரிவித்தனர். உடனே அப்பகுதியில் காரைக்குடி ரயில்வே பாதை காவல்துறையினர் மற்றும் தீயணைப்பு துறையினர் உடலை தேடும் பணியில் ஈடுபட்டு வந்தனர் தற்போது இரண்டுமணி நேர தேடுதலுக்கு பின்பு அவரது உடலை கைப்பற்றினர். அவர் சுரங்கப்பாதையை கடக்க முயன்ற போது நீரில் மூழ்கியுள்ளார் எனவும், அவர் அப்பகுதியில் வசிக்கும் பீட்டர் என்பது பெயிண்டர் வேலை பார்த்து வருவதாகவும் தெரிய வருகிறது. தற்போது நீரில் மூழ்கி ஒருவர் பலியானது காரைக்குடி பகுதியில் பரபரப்பு ஏற்படுத்தியுள்ளது.