15 நாட்களாக கடும் அவதி - பாதிக்கப்பட்ட மக்கள் வைத்த கோரிக்கை

சிவகங்கை மாவட்டம் காரைக்குடி அருகே ஆற்றுப்பாலம் சேதம் அடைந்ததால், 15 நாட்களாக பொதுமக்கள் அவதியடைந்து வருகின்றனர். குடிக்காடு பகுதியில் உள்ள கொட்டகுடி ஆற்றின் குறுக்கே உள்ள தரைப்பாலம் கடந்த மாதம் பெய்த கனமழையில் சேதமடைந்தது. இதனால் கடந்த 15 தினங்களாக அவ்வழியாக இயக்கப்பட்ட அரசு பேருந்து நிறுத்தப்பட்டுள்ளது . இதன் காரணமாக அப்பகுதி மாணவர்கள் பல கிலோமீட்டர் தூரம் நடந்து சென்று பள்ளிகளுக்கு சென்று வருகின்றனர். உடனடியாக தரைப்பாலத்தை சரிசெய்து பேருந்து போக்குவரத்திற்கு ஏற்பாடு செய்யவும், நிரந்தரமாக உயர்மட்ட பாலம் அமைக்கவும் அப்பகுதி மக்கள் கோரிக்கை விடுத்துள்ளனர்.