சாலை விபத்தில் துடிதுடித்து பலியான 5 பேர்.. இதயம் படபடக்க ஈபிஎஸ் சொன்ன விஷயம்

சேலம் மாவட்டம் சுக்கம்பட்டியில் சாலை விபத்தில் சிக்கி ஐந்து பேர் உயிரிழந்த நிலையில் அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி இரங்கல் தெரிவித்துள்ளார். இது தொடர்பாக அவர் வெளியிட்டு செய்தி குறிப்பில், 2 இருசக்கர வாகனங்கள் மீது தனியார் பேருந்து மோதிய விபத்தில் குழந்தைகள் உட்பட 5 பேர் உயிரிழந்த சம்பவம் கேட்டு மிகுந்த துயருற்றேன் என்றும் விபத்தில் படுகாயமடைந்து மருத்துவமனையில் அனுமதிக்கப்பட்டுள்ளோருக்கு உரிய சிகிச்சை அளிக்க தமிழக அரசை வலியுறுத்துகிறேன் என்றும் குறிப்பிட்டுள்ளார். மேலும், இருசக்கர வாகனங்களில் பயணிப்போர் தலைக்கவசம் அணிந்து, சாலை விதிமுறைகளை கவனமாகப் பின்பற்றி, பாதுகாப்பாக பயணிக்குமாறும் அறிவுறுத்தியுள்ளார்.