நூதன முறையில் போலீஸ் ஸ்டேஷனில் நடந்த பூஜை - சேலம் அருகே நெகிழ்ச்சி

சேலம் மாவட்டம் ஏத்தாப்பூர் காவல் நிலையத்தில் வித்தியாசமான முறையில் வழிபாடு நடத்தப்பட்டது. காவல்நிலையத்தில் பணியாற்றி வரும் காவலர்கள், குற்ற சம்பவங்கள் நடைபெறாமல் இருப்பதற்காக கிடா வெட்டி பூஜை போட்டனர். பின்னர் பூசணிக்காய், எலுமிச்சம் பழம் ஆகியவற்றை காவல் நிலைய நுழைவாயிலிலும் நான்கு மூலைகளிலும் வெட்டி வழிபாடு நடத்தினர். போலீசாருடன் உள்ளூர் வாசிகளும் கலந்துகொண்டு வழிபாடு நடத்தினர். திரைப்பட பாணியில் நடைபெற்ற இந்தச் சம்பவம் அனைவரையும் ஆச்சரியத்தில் ஆழ்த்தியது.