ஸ்பெஷல் கிளாஸ்சுக்கு அழைத்து மாணவிகளுக்கு S*X டார்ச்சர் கொடுத்த தமிழாசிரியர்-கம்பி என்ன விட்ட போலீஸ்

சேலம் மாவட்டம் எடப்பாடி அருகே அரசு உயர்நிலைப்பள்ளியில் 10ம் வகுப்பு மாணவிகளுக்கு பாலியல் தொந்தரவு அளித்த தற்காலிக தமிழாசிரியர் கம்பி எண்ணிக் கொண்டிருக்கிறார்...

சேலம் மாவட்டம் எடப்பாடி ஒன்றியம் இருப்பாளியில் செயல்பட்டு வரும் அரசு உயர்நிலைப் பள்ளியில் தற்காலிக தமிழ் ஆசிரியராக பணிபுரிந்து வந்த பிரகதீஷ்வரன் சிறப்பு வகுப்புகள் நடத்துவதாக 10ம் வகுப்பு மாணவ மாணவிகளை மட்டும் வரவழைத்துள்ளார். அப்போது பிரகதீஸ்வரன் மதுபோதையில் இருந்ததாக கூறப்படுகிறது. தொடர்ந்து மாணவிகளிடம் பாலியல் சீண்டலில் ஈடுபட்டதாகவும் மாணவிகள் பெற்றோர்களிடம் கொடுத்த தகவலையடுத்து பெற்றோர்களும் அப்பகுதி பொதுமக்களும் பூலாம்பட்டி காவல் நிலையத்திற்கு தகவல் தெரிவித்துள்ளனர். அப்பள்ளிக்கு போலீசாருடன் சென்று பார்த்தபோது ஆசிரியர் பிரகதீஷ்வரன் அவரது வீட்டிற்கு தப்பி சென்றுவிட்டார். உடனடியாக வீட்டிற்கு சென்ற போலீசார் பிரகதீஸ்வரனை கைது செய்து காவல் நிலையம் அழைத்துச் சென்று தீவிர விசாரணை மேற்கொண்டு வருகின்றனர்.