கத்தி முனையில் கொள்ளை... தமிழக மீனவர்கள் மீது தாக்குதல்.. இலங்கை கடற்கொள்ளையர்கள் அட்டூழியம்!

நாகை மாவட்டம் கோடியக்கரை அருகே மீன் பிடித்துக் கொண்டிருந்த செருதூர் மீனவர்கள் மீது இலங்கை கடற்கொள்ளையர்கள் தாக்குதல் நடத்தியுள்ளனர்​. மீனவர்களின் கழுத்தில் கத்தியை வைத்து 3 லட்சம் ரூபாய் மதிப்புள்ள வலை, ஒரு லட்சம் ரூபாய் மதிப்புள்ள மீன்கள், ஜி.பி.எஸ், வாக்கிடாக்கி கருவிகளை இலங்கை கடற்கொள்ளையர்கள் கொள்ளையடித்துச் சென்றனர். மீன்களை தர மறுத்த சக்திபாலன், கண்ணன், சூர்யா, ஹரி கிருஷ்ணன், சிவராமன் ஆகிய 5 மீனவர்கள் மீது, இலங்கை கடற்கொள்ளையர்கள் இரும்பு பைப் கொண்டு தாக்குதல் நடத்தினர். பாதிக்கப்பட்ட மீனவர்கள் நாகை அரசு மருத்துவமனையில் சிகிச்சைக்காக சேர்க்கப்பட்டுள்ளனர்