சினிமாவை மிஞ்சிய ரன்னிங், சேசிங்..! தாய், மகளை கடத்திய கும்பலை விரட்டி பிடித்த போலீஸ் | Ranipet
- ராணிப்பேட்டையில் நிதிநிறுவன உரிமையாளரின் மனைவி, மகளை கடத்தி, 1 கோடி ரூபாய் கேட்டு மிரட்டிய வழக்கில், ஒரு பெண் உட்பட 8 பேர் கைது செய்யப்பட்டுள்ளனர்.
- செய்யாறை சேர்ந்த அல்தாப் தாசிப் என்பவரின் மனைவி சப்ரின் பேகம், 3 வயது மகள் அல்வினா மரியம் ஆகியோரை ஒரு கும்பல் கடத்தியது. இதையடுத்து, கடத்தப்பட்ட 2 பேரையும் சினிமா பாணியில் துரத்திச் சென்று போலீசார் பத்திரமாக மீட்டு சிலரை பிடித்தனர். அவர்களிடம் நடத்தப்பட்ட விசாரணையில், இந்த வழக்கில், தொடர்புடைய, வாலாஜாபேட்டையை சேர்ந்த வசந்தகுமார், ருத்ரேஷ்வரன், பார்த்திபன், ஏசுதாஸ், சரத்குமார், கார்த்தி, வினோத் மற்றும் கோமதி என்ற பெண் ஆகிய 8 பேரை போலீசார் கைது செய்தனர். அவர்களிடம் இருந்து 5 லட்சம் ரூபாய் ரொக்கம், கடத்தலுக்கு பயன்படுத்திய இரு கார்களையும் பறிமுதல் செய்தனர். பின்னர், 8 பேரையும், வாலாஜாப்பேட்டை நீதிமன்றத்தில் ஆஜர்படுத்தி சிறையிலடைத்தனர். ஒரு கோடி ரூபாய் கேட்டு 2 பேரை கடத்திய பெண் உட்பட 8 பேர் கொண்ட கும்பல் பிடிபட்டது அப்பகுதியில் அதிர்ச்சியை ஏற்படுத்தியுள்ளது.
Next Story
