சாவிலும் இணை பிரியாத நண்பர்கள்...உயிர் நண்பன் உடலை பார்த்த மறுநொடி உயிரை விட்ட நண்பன்

ராமேஸ்வரம் அருகே நண்பர் விபத்தில் உயிரிழந்த அதிர்ச்சி தாங்க முடியாமல் உயிர் நண்பர் மயங்கி விழுந்து உயிரிழந்த சம்பவம் சோகத்தை ஏற்படுத்தியுள்ளது.ராமேஸ்வரம் அருகே தீட்சதர்கொல்லை பகுதியைச் சேர்ந்த பஞ்சாட்சரமும் கருப்பையாவும் பல ஆண்டுகளாக இணைபிரியாத நண்பர்களாக வலம் வந்துள்ளனர். இந்த நிலையில், பஞ்சாட்சரம் சமீபத்தில் நடந்த விபத்து ஒன்றில் ஏற்பட்ட காயத்தால் ராமேஸ்வரம் அரசு மருத்துவமனையில் அனுமதிக்கப்பட்டிருந்த நிலையில் அங்கு சிகிச்சை பலனின்றி உயிரிழந்தார். இந்த செய்தி கேட்டு அதிர்ச்சியடைந்த கருப்பையா, பஞ்சாட்சரத்தின் உடலை பார்க்க மருத்துவமனைக்கு வந்துள்ளார். அப்போது தனது உயிர் நண்பன் உயிரற்ற உடலாக கிடப்பதைக் கண்டு

அதிர்ச்சி அடைந்த அவர் துக்கம் தாளாமல் திடீரென மயங்கி விழுந்து மருத்துவமனை வளாகத்திலேயே உயிரிழந்தார்.

இப்படி சாவிலும் இணைபிரியா நண்பர்களின் இறப்பு அவர்களது உறவினர்களையும், பொதுமக்களையும் மிகுந்த சோகத்தில் ஆழ்த்தியுள்ளது.