ராமேஸ்வரத்தை மிதக்க விட்ட கோர மழை-இடுப்பளவு வெள்ளத்தில் இறங்கி மக்களுக்கு நிவாரணம் வழங்கிய தவெகவினர்

ராமேஸ்வரம் அடுத்த மண்டபம் பகுதியில், இடுப்பளவு தண்ணீரையும் பொருட்படுத்தாமல் மழையால் பாதிக்கப்பட்ட வீடுகளுக்குச் சென்று ஆறுதல் கூறிய தமிழக வெற்றிக் கழக நிர்வாகிகள், அவர்களுக்கு நிவாரண பொருட்கள் வழங்கினர். மண்டபம் கலைஞர் நகர், பெரியார் நகர் பகுதிகளில் உள்ள 300-க்கும் மேற்பட்ட வீடுகளில் மழைநீர் சூழ்ந்து அத்தியாவசிய பொருட்கள் வாங்குவதற்கு கூட வீட்டை விட்டு வெளியே வர முடியாமல் சிரமத்திற்கு உள்ளாகி வருகின்றனர்.

இதனை அடுத்து இடுப்பளவு தண்ணீரையும் பொருட்படுத்தாமல் தமிழக வெற்றி கழக கட்சி நிர்வாகிகள் மழை நீரால் சூழ்ந்துள்ள வீடுகளுக்கு சென்று ஆறுதல் கூறி அவர்களுக்கு அரிசி, பருப்பு உள்ளிட்ட அத்தியாவசிய பொருட்களை வழங்கினர்.