சாலையில் கிடந்த மாட்டின் தலை - மக்கள் அச்சம்

ராமநாதபுரம் மாவட்டம் ஆர்.எஸ்.மங்கலம் அருகே சாலையில் வைக்கப்பட்டிருந்த மாட்டின் தலையால் பரபரப்பு ஏற்பட்டது. பொதுமக்கள் வந்து செல்லும் பகுதியில் மர்மநபர்கள் வெட்டப்பட்ட மாட்டின் தலையை வைத்து சென்றுள்ளனர். இதனால், காரணம் புரியாமல் அப்பகுதி மக்கள் ஒரு வித பீதியில் உள்ளனர். பின்னர், தகவலறிந்து வந்து மாட்டின் தலையை அப்புறப்படுத்திய போலீசார், இறைச்சிக்கடை நடத்துபவர்கள் யாரேனும் போட்டு விட்டு சென்றனரா, பொதுமக்களை அச்சுறுத்தும் நோக்கி மர்ம நபர்கள் வைத்து விட்டு சென்றனரா என விசாரித்து வருகின்றனர்.