ராமேஸ்வரம் மீனவர்கள் 12 பேர் விடுதலை | Tamil Fishermen
- இலங்கை கடற்படையால் கைது செய்யப்பட்ட 16 மீனவர்களில், 12 பேர் விடுதலை செய்யப்பட்டுள்ளனர். கடந்த மாதம் 23ம் தேதி , நெடுந்தீவில் மீன்பிடித்துக் கொண்டிருந்த ராமேஸ்வரத்தை சேர்ந்த 16 மீனவர்களை இலங்கை கடற்படை எல்லை தாண்டி வந்ததாக குற்றம்சாட்டி கைது செய்தது. இந்த நிலையில், கைது செய்யப்பட்ட மீனவர்களில் 12 பேரை மட்டும் விடுதலை செய்துள்ளது இலங்கை நீதிமன்றம். மீதம் உள்ள நான்கு மீனவர்கள் இரண்டாவது முறையாக எல்லை தாண்டி மீன் பிடித்ததாக குற்றச்சாட்டி, ஓராண்டு சிறை தண்டனை விதித்து இலங்கை நீதிமன்றம் உத்தரவிட்டுள்ளது. விடுதலை செய்யப்பட்ட மீனவர்கள் இன்னும் ஓரிரு தினங்களில் தாயகம் திரும்புவார்கள் என எதிர்பார்க்கப்படுகிறது.
Next Story
