சாமி தரிசனம் செய்துவிட்டு திரும்பிய 3 பேர் பலி.. "இதுவே விபத்துக்கு காரணம்"- பார்த்தவர் அதிர்ச்சி

ராமநாதபுரத்தில் சாமி தரிசனம் செய்துவிட்டு திரும்பிய பக்தர்களின் கார் விபத்துக்குள்ளாகி, மூன்று பேர் சம்பவ இடத்திலேயே பலியான சம்பவம் சோகத்தை ஏற்படுத்தியுள்ளது.

ராமநாத சுவாமி கோயிலில், சாமி தரிசனம் செய்வதற்காக திருப்பூரை சேர்ந்த நான்கு பேர் ஒரே காரில் வந்தனர். சாமி தரிசனத்திற்கு பின் இன்று காலை அவர்கள் திருப்பூர் நோக்கி திரும்பினர். செல்லும் வழியில் களத்தாவூர் என்னும் பகுதியில், கார் சாலை ஓர தடுப்பில் மோதி விபத்துக்குள்ளானது. இதில் 3 பேர் சம்பவ இடத்திலேயே பலியாகினர். ஒருவர் படுகாயம் அடைந்து, மதுரை ராஜாஜி மருத்துவமனையில் மேல் சிகிச்சைக்காக அனுமதிக்கப்பட்டுள்ளார்.