"சாப்பாட்டுக்கே வழி இல்ல..புள்ளைகளை வச்சுக்கிட்டு கஷ்டப்படுறோம்"..கனமழை காட்டிய முகம்..மக்கள் வேதனை

நாகையில் கொட்டி தீர்க்கும் கனமழை காரணமாக, நரியங்குடி கிராமத்தில் 57 வீடுகளை ஆற்று வெள்ள நீர் சூழ்ந்து அங்குள்ள மக்கள் பரிதவித்து வருகின்றனர். மழைக்காலங்களில் குழந்தைகள் மற்றும் கால்நடைகளை வைத்துக் கொண்டு மிகவும் சிரமப்படுவதாக அப்பகுதி மக்கள் வேதனையுடன் தெரிவித்தனர். ஆற்று நீரில் அடித்து வரப்படும் விஷ ஜந்துக்கள் வீடுகளுக்குள் புகுந்து வருவதாக அச்சம் தெரிவித்துள்ளனர். மழையால் பாதிக்கப்பட்டுள்ள தங்களுக்கு, அரசு நிரந்தர வீடுகளை கட்டித் தர வேண்டும் என்றும் நரியங்குடி கிராம மக்கள் கோரிக்கை விடுத்துள்ளனர்.