ஒரு பூசாரிக்கு இரு தரப்பினர் இடையே தகராறு.. கோவில் கும்பாபிஷேகத்தில் பரபரப்பு | Pudukkottai

புதுக்கோட்டை மாவட்டம் பொன்னமராவதியில் கோயில் கும்பாபிஷேகம் நடத்துவதில் ஒரே சமூகத்தைச் சேர்ந்த இரு தரப்பிற்கு இடையே பிரச்சினை ஏற்பட்டதால் பரபரப்பான சூழல் நிலவியது. பொன்னமராவதி அருகே உள்ள அடைக்கலம் காத்த அய்யனார் கோவிலில் கும்பாபிஷேக பணிகள் விறுவிறுப்பாக நடைபெற்று வந்தது. அப்போது பூசாரியை நியமிப்பதில் இரு தரப்பினர் இடையே ஏற்பட்ட பிரச்சனையால் ஒரு தரப்பினர் திடீரென சாலை மறியலில் ஈடுபட்டனர். இதனால் பொன்னமராவதி-புதுக்கோட்டை சாலையில் போக்குவரத்து பாதிக்கப்பட்டது. சம்பவ இடத்திற்கு வந்த போலீசார் மற்றும் வட்டாட்சியர் பேச்சுவார்த்தையில் ஈடுபட்டதை அடுத்து சாலைமறியல் கைவிடப்பட்டது.