துரத்தி துரத்தி குதறிய தெரு நாய்கள்.. ரத்தம் சொட்ட சொட்ட துடித்த பெண் - பதைபதைக்கும் காட்சி

நெல்லை மாவட்டம் வீரவநல்லூரில் 70 வயது மூதாட்டியை நாய் கடித்த சம்பவம் அதிர்ச்சியை ஏற்படுத்தியுள்ளது. பாப்பா என்ற மூதாட்டி பள்ளிவாசல் வடக்கு தெருவில் சென்று கொண்டிருந்தபோது, அங்கிருந்த நெருநாய் மூதாட்டியின் மீது பாய்ந்து 2 கால்களையும் கடித்துள்ளது. அங்கிருந்தவர்கள் நாயை விரட்டிய நிலையில், காலில் ரத்தம் சொட்ட சொட்ட பரிதவித்த மூதாட்டியை மருத்துவமனைக்கு அனுப்பி வைத்தனர். வீரவநல்லூரில் கடந்த ஒரு வாரத்தில் பத்துக்கும் மேற்பட்டோர் தெரு நாய்களால் கடிபட்டுள்ளதாகவும், இதுகுறித்து தொடர்ந்து புகார் அளித்தும் எந்த நடவடிக்கையும் எடுக்கப்படவில்லை என்றும் மக்கள் வேதனை தெரிவித்தனர்.