பள்ளி மாணவியை துரத்தி துரத்தி கடித்த தெருநாய் - வெளியான அதிர்ச்சி சிசிடிவி

திருநெல்வேலி டவுன் கல்லணை தெருவில் உள்ள அரசு பள்ளியில் ஒன்பதாம் வகுப்பு படித்து வரும் அந்த மாணவி, பள்ளி முடிந்து வீடு திரும்பிக் கொண்டிருந்தார். அப்போது அந்த மாணவியை பின்தொடர்ந்து வந்த தெரு நாய் ஒன்று திடீரென அவரை விரட்டி விரட்டி கடித்துள்ளது. இதில் காயமடைந்த அந்த மாணவி, நெல்லை மருத்துவமனையில் சிகிச்சை பெற்று வீடு திரும்பி உள்ளார். இந்த சம்பவ தொடர்பாக சிசிடிவி காட்சிகள் தற்போது வெளியாகி பெரும் அதிர்ச்சி ஏற்படுத்தி உள்ளது. கால்நடைகள் மற்றும் தெருநாய்களின் தொல்லை அதிகமாக இருப்பதாக பொதுமக்கள் புகார் தெரிவித்து வரும் நிலையில், மாநகராட்சி நிர்வாகம் அலட்சியப் போக்குடன் நடந்து கொள்வதாக குற்றச்சாட்டு எழுந்துள்ளது.