இறங்கிய வடமாநில தொழிலாளர்கள்... "எங்க வாழ்வாதாரமே போச்சு" - புலம்பும் உள்ளூர் தொழிலாளர்கள்

நாமக்கல் மாவட்டம், பள்ளிபாளையத்தில் இயங்கி வரும் அரிசி கடையில் வடமாநில தொழிலாளர்கள் பணியாற்றுவதால், உள்ளூர் மூட்டை தூக்கும் தொழிலாளர்கள் கடும் வாக்குவாதத்தில் ஈடுபட்டனர். சம்பந்தப்பட்ட அரிசி கடையில் வடமாநில தொழிலாளர்களைக் கொண்டு அரிசி மூட்டைகள் இறக்கப்படுவதாக தகவல் வெளியானது. இதனால் தங்கள் வாழ்வாதாரம் பாதிக்கப்படுவதாகக் கூறி, உள்ளூர் மூட்டை தூக்கும் தொழிலாளர்கள் கடையின் உரிமையாளரிடம் கடும் வாக்குவாதம் செய்தனர். தகவலறிந்து சம்பவ இடத்திற்கு விரைந்த போலீசார், இருதரப்பினரையும் அழைத்துச் சென்று விசாரணை மேற்கொண்டனர். இதனால் அப்பகுதி பரபரப்பாக காணப்பட்டது.