பள்ளி சிறுமியை கர்ப்பமாக்கிய அண்ணன்..! பிறந்த ஆண் குழந்தை.. நாமக்கலில் கொடூர சம்பவம் | Namakkal

தங்கையை முறையுடைய சிறுமியைக் கர்ப்பமாக்கிய அண்ணனை போலீசார் கைது செய்து உள்ளனர்.

நாமக்கல் மாவட்டத்தைச் சேர்ந்த இளைஞர் கூலி வேலைக்குச் சென்று வருகிறார். பெற்றோருடன் இளைஞர் வசித்து வரும் நிலையில், இளைஞருக்குத் தங்கை முறையுடைய சிறுமி கடந்த ஆண்டு இளைஞரின் வீட்டில் தங்கி 10 ம் வகுப்பு படித்து வந்து இருக்கிறார். அப்போது சிறுமியிடம் ஆசை வார்த்தைகளைக் கூறி அவருடன் தவறான உறவு கொண்டு இருக்கிறார். இதனால் சிறுமி கர்ப்பமடைந்தது தெரியவந்ததால் கருவைக் கலைக்க மாத்திரைகளை வாங்க முயற்சித்து இருக்கிறார்.

ஆனால் மருந்தங்களில் அவருக்குக் கருத்தடை மாத்திரைகளைக் கொடுக்க மறுத்து இருக்கின்றனர். இதனைத் தொடர்ந்து சிறுமி அவரது சொந்த ஊருக்குச் சென்று அங்குள்ள பள்ளியில் 11 ம் வகுப்பு படித்து வந்து இருக்கிறார். இந்த நிலையில் பள்ளியிலிருந்த மாணவிக்கு திடீரென வயிறு வலி ஏற்பட்டதால் மருத்துவமனையில் அனுமதித்து இருக்கின்றனர். அங்குச் சிறுமியைச் சோதித்த மருத்துவர்கள் சிறுமி நிறைமாத கர்ப்பிணியாக இருப்பது தெரியவந்தால் உடனடியாக அவருக்குப் பிரசவம் பார்த்ததில் ஆண் குழந்தை பிறந்து இருக்கிறது. இது தொடர்பாக விசாரணை நடத்திய போலீசார் சிறுமியின் அண்ணன் முறையுடைய இளைஞரை போக்சோ சட்டத்தின் கீழ் கைது செய்தனர்