"நான் முதல்வன் திட்டம்" -முதல்வரை நேரில் சந்தித்து நன்றி தெரிவித்த மாணவர்கள்..

தமிழக அரசின் 'நான் முதல்வன்' திட்டத்தின் கீழ் லண்டன் சென்று பயிற்சி பெற்ற மாணவர்கள், சென்னை ஆழ்வார்பேட்டையில் உள்ள முகாம் அலுவலகத்தில் முதலமைச்சர் ஸ்டாலினை சந்தித்து வாழ்த்து பெற்றனர்.

பிரிட்டிஷ் கவுன்சிலுடன் தமிழ்நாடு திறன் மேம்பாட்டு கழகம் இணைந்து, தமிழகத்தில் இருந்து 15 பொறியியல் மற்றும் 10 அறிவியல் மாணவர்கள் தேர்வு செய்தது. தேர்வானவர்கள், 9-ஆம் தேதி சென்னையில் இருந்து லண்டன் சென்ற நிலையில், அங்குள்ள நியூகேஸ்டல் துர்ஹாம் பல்கலைக்கழகத்தில் செயற்கை நுண்ணறிவு, தரவு அறிவியல் ஆகிய பிரிவுகளில் ஒரு வாரம் திறன் மேம்பாட்டு பயிற்சி அளிக்கப்பட்டது. வெற்றிகரமாக பயிற்சியை முடித்த அவர்கள், அதிகாலை சென்னை திரும்பினர். அதைத் தொடர்ந்து, சென்னை ஆழ்வார்பேட்டையில் உள்ள முகாம் அலுவலகத்தில் முதலமைச்சர் ஸ்டாலினை சந்தித்து வாழ்த்து பெற்றனர். அத்துடன் தங்கள் பயிற்சி அனுபவங்களையும் அவர்கள் பகிர்ந்து கொண்டனர்.