ஆசிரியர்கள் வீடு புகுந்து கைவரிசை காட்டிய மர்ம நபர்கள் - வெளியான சிசிடிவி காட்சி

சங்கரன்கோவில் அருகே கலிங்கப்பட்டி கிராமத்தில், தினகரன் என்பவர், ஆசிரியரான தனது மனைவியுடன் வெளியூர் சென்றிருந்தார். அந்த வேளையில், அவரது வீட்டில் புகுந்த மர்மநபர்கள், 60 சவரன் தங்க நகைகள் மற்றும் 6 லட்சம் ரூபாய் ரொக்க பணத்தை கொள்ளையடிக்கப்பட்டது. இதேபோல் அதே பகுதியில், அழகர்சாமி என்பவரது மனைவி பள்ளிக்கு சென்றிருந்த நிலையில், அவரது வீட்டிலும் புகுந்த மர்மநபர்கள், 5 சவரன் நகை, ஒரு லட்சம் ரூபாய் பணத்தையும் திருடிச் சென்றனர். இதுதொடர்பான புகாரின் பேரில், சம்பவம் நடந்த இடத்தில் இருந்த சிசிடிவி காட்சிகளை போலீசார் ஆய்வு செய்தபோது, ஹெல்மேட் மற்றும் முகமூடி அணிந்தபடி, 2 பேர் வீடுகளில் புகுந்து கொள்ளையடித்துச் சென்றது தெரியவந்தது. மர்மநபர்களை போலீசார் தேடி வரும் நிலையில், இந்த சம்பவம் அப்பகுதி மக்களை அதிர்ச்சியில் ஆழ்த்தியுள்ளது.