"வெங்கடேசன் இங்க வரவே இல்ல.." கூட்டத்திலிருந்து கத்திய நபர் - ஷாக்கில் பார்த்த அமைச்சர்

சோழவந்தான் எம்.எல்.ஏ வெங்கடேசன் ஊருக்குள் வருவதில்லை என, அமைச்சரிடம் ஒருவர் புகார் தெரிவித்ததால் பரபரப்பு ஏற்பட்டது. மதுரை மாவட்டம் வலையபட்டியில் 20 லட்ச ரூபாய் மதிப்பீட்டில் புதிதாக கட்டப்பட்ட, உணவுக்கூடம் மற்றும் கலையரங்கத்தை அமைச்சர் மூர்த்தி திறந்து வைத்தார். நிகழ்ச்சிக்கு பின் அமைச்சர் மூர்த்தியை சூழ்ந்த மக்கள், பல்வேறு கோரிக்கைகளை வலியுறுத்தினர். அப்போது ஒருவர் எம்.எல்.ஏ. வெங்கடேசன் வெற்றி பெற்ற பிறகு ஒருமுறை கூட ஊருக்கு வந்ததில்லை என புகார் கூறியதால் பரபரப்பு ஏற்பட்டது. இதையடுத்து மக்களின் கோரிக்கைகளை நிறைவேற்றுவதாக எம்.எல்.ஏ வெங்கடேசன் உறுதியளித்தார்.