புரட்டி போட்ட 'மிக்ஜாம் புயல்'....வீட்டிலேயே முடங்கி கிடக்கும் மக்கள் - சென்னையின் பரிதாப காட்சிகள்

செங்கல்பட்டு கூடுவாஞ்சேரியில் 2வது நாளாக சென்னை - திருச்சி தேசிய நெடுஞ்சாலையில் வெள்ள நீர் தேங்கியுள்ளது...வளஞ்சேரி ஏரியிலிருந்து தொடர்ந்து உபரி நீர் வெளியேறி செல்ல இடம் இல்லாத நிலையில் தேசிய நெடுஞ்சாலையில் குளம் போல் தேங்கியுள்ளது... இதனால் சாலை முடக்கப்பட்டு ஒரு வழி பாதையாக்கப்பட்டுள்ளது. அதேபோல் மகாலட்சுமி நகரிலும் 2வது நாளாக குடியிருப்புகளை மழை வெள்ளம் சூழ்ந்துள்ளது. வீட்டிற்குள்ளேயே முடங்கிய மக்களுக்கு தீயணைப்புத் துறையினர் பிரெட், பால் உள்ளிட்ட உணவுகளை வழங்கி வருகின்றனர்... அத்தியாவசிய பொருட்கள் வாங்க மக்கள் இடுப்பளவு நீரில் நடந்து கடைக்குச் சென்று வருகின்றனர். கூடுவாஞ்சேரி ஏரியிலிருந்து தொடர்ந்து நீர் வெளியேறி வருவதால் 2 ஆயிரத்திற்கும் மேற்பட்ட குடியிருப்புகளை சுற்றி மழை வெள்ளம் தேங்கியுள்ளது குறிப்பிடத்தக்கது.