சிறை வளாகத்தில் தூக்கிட்டு கொண்ட சிறைவாசி

மதுரை மத்திய சிறையில், ஆயுள் தண்டனை கைதி ஒருவர் தூக்கிட்டு தற்கொலை செய்து கொண்டுள்ளார்.

தேனிமாவட்டம் கன்னிசேர்வைபட்டி பகுதியை சேர்ந்த தவ ஈஸ்வரன், கொலை வழக்கில் கடந்த ஆண்டு முதல் ஆயுள் தண்டனை கைதியாக உள்ளார். இவர் இன்று காலை சிறைவளாகத்தில் தூக்கிட்டு கொண்டுள்ளார். உடனடியாக அவரை மீட்டு மருத்துவமனைக்கு கொண்டு சென்ற நிலையில், போகும் வழியிலேயே அவர் உயிரிழந்ததாக கூறப்படுகிறது. இதுகுறித்து கரிமேடு காவல்துறையினர் விசாரித்து வருகின்றனர்.