``கண்டா வரச்சொல்லுங்க...RDOவ கையோட கூட்டி வாருங்க..'' - மதுரையை பரபரக்க வைத்த காட்டு நாயக்கர் மக்கள்

“கண்டா வரச்சொல்லுங்க...RDO-வ கையோட கூட்டி வாருங்க...“ என்று கர்ணன் பட ஸ்டைலில் பாடல் பாடி வருவாய் கோட்டாட்சியருக்கு எதிர்ப்பு தெரிவித்து மதுரையில் காட்டு நாயக்கர் சமுகத்தினர் காத்திருப்பு போராட்டம் நடத்தியதால் பெரும் பரபரப்பு நிலவியது..

மதுரை மாவட்டம் சத்திய மூர்த்தி நகர் பகுதியில் வசிக்கும் இந்து காட்டு நாயக்கர் சமூகத்தை சேர்ந்தவர்கள் தங்களின் பிள்ளைகளுக்கு ST இந்து காட்டு நாயக்கன் சாதி சான்றிதழ் வழங்க கோரி தொடர்ந்து கோரிக்கை முன்வைத்து வருகின்றனர்... இதையடுத்து 200க்கும் மேற்பட்ட பள்ளி, கல்லூரி மாணவர்கள் பள்ளி கல்லூரிகளுக்கு செல்லாமல் 6வது நாளாக காத்திருப்பு போராட்டத்தில் ஈடுபட்டு வருகின்றனர்... தங்களது தொழிலுக்கு பயன்படுத்தப்படும் வலைகள், கூண்டுகளை வைத்தபடி காட்டு நாயக்கர் சமூக மக்கள் போராடி வருகின்றனர்... 6வது நாளாக சாலையிலயே சமைத்து உண்ணும் போராட்டத்தை தொடங்கியுள்ளனர். கடந்த ஆண்டுவரை சாதி சான்றிதழ் வழங்கப்பட்ட நிலையில் தற்போது நிறுத்தி வைக்கப்பட்டுள்ளதாக குற்றம் சாட்டப்பட்டுள்ளது. நேற்று மாவட்ட ஆட்சியர் தலைமையில் நடத்தப்பட்ட பேச்சுவார்த்தை தோல்வியடைந்த நிலையில் போராட்டம் நீடித்து வருகிறது... உடனடி நடவடிக்கை எடுக்கப் படாததால் மாணவர்களின் கல்வி கேள்விக்குறியாகியுள்ளது... SC, ST ஆணையத்தின் ஆணையர் தலைமையில் ஆய்வு செய்து சான்றிதழ் வழங்க நடவடிக்கை எடுக்க வேண்டும் என கோரிக்கை விடுக்கப்பட்டுள்ளது...