மதுரையில் ஆர்.பி.உதயகுமார் மீது திடீர் தாக்குதல்...அமமுக, ஓபிஎஸ் அணியினர் அதிரடி கைது

அதிமுக முன்னாள் அமைச்சர் ஆர்.பி. உதயகுமார் உள்ளிட்ட கட்சியினர் மீது தாக்குதல் நடத்தப்பட்ட வழக்கில் 4 பேரை போலீசார் கைது செய்துள்ளனர்.

மதுரை மாவட்டம் மங்கல்ரேவு பகுதியில் நேற்று முன்தினம் இரவு அதிமுக முன்னாள் அமைச்சர் ஆர்.பி.உதயகுமார் தனது கட்சியினருடன் வாகனத்தில் வந்து கொண்டிருந்தபோது, அமமுகவினர் இடைமறித்து தாக்குதல் நடத்தியதாக கூறப்படுகிறது. இந்த தாக்குதலில் காயமடைந்த அதிமுக நிர்வாகி தினேஷ்குமார் மருத்துவமனையில் சிகிச்சை பெற்று வருகிறார். அவர் அளித்த புகாரின் அடிப்படையில் சேடப்பட்டி காவல் நிலையத்தில் 6 பேர் மீது வழக்குப் பதிவு செய்யப்பட்டது. இந்நிலையில், இந்த வழக்கு தொடர்பாக தேனி வல்லாபுரம் அமமுக ஒன்றிய செயலாளர் பழனிசாமி, அமமுக உறுப்பினர் பழனிசாமி, ஓபிஎஸ் அணியை சேர்ந்த குபேந்திரன், அஜய் ஆகிய 4 பேரை தனிப்படை போலீசார் கைது செய்தனர்.