மதுரையில் முதல்வர் ஸ்டாலின் - தொண்டர்கள் உற்சாக வரவேற்பு

மதுரையில் முதல்வர் ஸ்டாலின் - தொண்டர்கள் உற்சாக வரவேற்பு

மதுரை விமான நிலையம் வந்த முதல்வர் ஸ்டாலினுக்கு தி.மு.க. தொண்டர்கள் உற்சாக வரவேற்பு அளித்தனர்.

பசும்பொன் முத்துராமலிங்க தேவரின் 117வது ஜெயந்தி மற்றும் 62வது குருபூஜையில் முதல்வர் ஸ்டாலின் பங்கேற்க உள்ளார். இதற்காக சென்னையில் இருந்து விமானத்தில், மதுரை வந்தடைந்தார். அவருடன், அமைச்சர்கள் கே.கே.எஸ்.எஸ்.ஆர்.ராமச்சந்திரன், தங்கம் தென்னரசு, ஐ.பெரியசாமி, பி.டி.ஆர். பழனிவேல் தியாகராஜன், சக்கரபாணி, பெரிய கருப்பன் உள்ளிட்டோர் வந்தனர். அப்போது, விமான நிலையத்தில் காத்திருந்த ஏராளமான திமுக தொண்டர்கள், முதல்வர் ஸ்டாலினை உற்சாகமாக வரவேற்றனர். அதைத்தொடர்ந்து கார் மூலம் அரசு விருந்தினர் மாளிகைக்கு புறப்பட்டு சென்றார். கோரிப்பாளையத்தில் உள்ள தேவர் சிலைக்கும், பின்னர், பசும்பொன்னில் உள்ள தேவர் நினைவிடத்திலும் முதல்வர் ஸ்டாலின் மரியாதை செலுத்த உள்ளார்.