"அக்கா கிட்ட பேசு.. மேயர் அக்கா கிட்ட பேசு"மிரட்டிய கட்சி நிர்வாகி.. அதிர்வுகளை கிளப்பிய வீடியோ

தனது பெயரை தவறாக பயன்படுத்தினால் நடவடிக்கை எடுக்கப்படும் என, கரூர் மாநகராட்சி மேயர் எச்சரித்துள்ளார்.

கரூர் மாநகராட்சிக்குட்பட்ட லைட் ஹவுஸ் கார்னர், ரவுண்டானா அருகில் ஆக்கிரமிப்பை அகற்ற மாநகராட்சி அதிகாரிகள் வந்தனர். அப்போது, ஆக்கிரமிப்பாளருக்கு ஆதரவாக,

திமுக நிர்வாகி கார்த்திக் இடையூறாக செயல்பட்டதாக கூறப்படுகிறது. இதுகுறித்த வீடியோ காட்சிகள் சமூக வலைதளங்களில் வைரலானது. இந்நிலையில், திமுக நிர்வாகி கார்த்திக் மற்றும் அவருடன் இருந்த மற்றொரு நபர், ஆக்கிரமிப்பை அகற்ற வந்த அதிகாரிகளிடம், மாநகராட்சி மேயர் கவிதா கணேசன் பேசுவதாகக்கூறி செல்போனை கொடுத்தனர். இதையடுத்து ஆக்கிரமிப்பை அகற்ற முடியாமல் அதிகாரிகள் அங்கிருந்து சென்றனர்.