தொழிலாளியின் மகள் திருமணத்திற்கு வந்த சவுதி முதலாளி.. சாரட்டு வண்டியில் வெயிட்டான டான்ஸ்

சிவகங்கை மாவட்டம் காரைக்குடியில், தனது தொழிலாளியின் இல்லத் திருமண விழாவிற்காக சவுதியில் இருந்து வந்த முதலாளிக்கு உற்சாக வரவேற்பு அளிக்கப்பட்டுள்ளது.

காரைக்குடியை சேர்ந்தவர் சாகுல் ஹமீது. இவர், சவுதி அரேபியாவில் உள்ள வணிக வளாகம் ஒன்றில் சுமார் 32 ஆண்டுகளாக வேலை செய்து வருகிறார். இந்நிலையில், சொந்த ஊரில் தனது மகளுக்கு திருமணம் ஏற்பாடு செய்த சாகுல் ஹமீது, முதலாளியான அபு வாஹித் மற்றும் அவரது உறவினர்களுக்கு அழைப்பு விடுத்துள்ளார். இந்நிலையில், தொழிலாளியின் இல்லத் திருமண நிகழ்ச்சிக்கு வந்த முதலாளியை, குதிரைகள் பூட்டிய சரட்டு வண்டியில் ஊர்வலமாக அழைத்து வந்ததுடன் உற்சாக வரவேற்வு அளித்துள்ளனர். இதனால், மகிழ்ச்சி அடைந்த அவர் குதிரை வண்டியில் நடனமாடி அசத்தினர்.