"ஒரு நாள் முதல்வர்" போல ஒரு நாள் கலெக்டர் - அசத்திய 9ம் வகுப்பு மாணவி

காரைக்காலில் சிறப்பாக செயல்படும் மாணவர்களுக்கு ஒருநாள் மாவட்ட ஆட்சியராக பணியாற்ற வாய்ப்பு வழங்கப்படும் என மாவட்ட ஆட்சியர் மணிகண்டன் அறிவித்திருந்தார். இதற்காக மாணவர்களை தேர்வு செய்யும் பணி நடைபெற்றது. இந்நிலையில், காரைக்கால்மேடு அரசு மேல்நிலைப்பள்ளியில் ஒன்பதாம் வகுப்பு படிக்கும் வித்யா ஸ்ரீ என்கிற மாணவி ஒருநாள் மாவட்ட ஆட்சியராக செயல்பட தேர்வாகி உள்ளார்.

மாணவி வித்யா ஸ்ரீ மாவட்ட ஆட்சியர் இருக்கையில் நாளை அமர்த்தப்படுவார் என்றும், மாலை வரை ஆட்சியருடன் பயணித்து செயல்பாடுகளை கவனிப்பார் என்றும் தெரிவிக்கப்பட்டுள்ளது.