சுதந்திர தினத்தை முன்னிட்டு... குவியும் போலீஸ்.. உச்சகட்ட பாதுகாப்பில் தமிழகம் | Independence Day

சுதந்திர தினத்தை முன்னிட்டு தமிழகத்தில் முக்கிய ரயில் நிலையங்கள் அனைத்திலும் பாதுகாப்பு பலப்படுத்தப்பட்டுள்ளதாகவும், பயணிகள் சுமூகமாக பயணம் மேற்கொள்வதை உறுதி செய்துள்ளதாகவும் ரயில்வே துணை கண்காணிப்பாளர் கர்ணன் தெரிவித்துள்ளார். நாடு முழுவதும் 78வது சுதந்திர தினம் கொண்டாடப்படவுள்ள நிலையில், தலைமை செயலகம், விமான நிலையம், ரயில் நிலையம், என மக்கள் அதிகம் கூடும் இடங்களில் பாதுகாப்பு பலப்படுத்தப்பட்டுள்ளது. சென்னை சென்ட்ரல் ரயில் நிலையத்தில், தமிழ்நாடு ரயில்வே காவல் துறை, மோப்பநாய் குழுவினர், வெடிகுண்டு நிபுணர் குழுவினர் பாதுகாப்பு பணியில் ஈடுபட்டு வருகின்றனர். ரயில் நிலையத்திற்கு வரும் அனைத்து நுழைவு வாயில்களிலும் பொதுமக்களின் உடமைகள், சோதனைக்கு பின்பே அனுமதிக்கப்படுகின்றனர். சுதந்திர தினத்தை முன்னிட்டு 300 காவலர்கள் சென்னை சென்ட்ரல் ரயில் நிலையத்தில் பாதுகாப்பு பணியில் ஈடுபடுத்தப்பட்டுள்ளனர்.