பைக்கை திருட முயன்ற வடமாநில இளைஞர்.. கரண்டு கம்பத்தில் கட்டி வைத்த ஊர் மக்கள் - ஓசூரில் பரபரப்பு

ஓசூர் அருகே இருசக்கர வாகனத்தை திருட முயன்ற வடமாநில இளைஞரை பிடித்த பொதுமக்கள் மின்கம்பத்தில் கட்டி வைத்ததால் பரபரப்பு ஏற்பட்டது. ஓசூர் அருகே சிப்காட் பகுதியில் இன்று அதிகாலை வீட்டின் முன்பு நிறுத்தி வைக்கப்பட்டிருந்த இருசக்கர வாகனத்தை வட மாநில இளைஞர்கள் இரண்டு பேர் திருட முயன்றுள்ளனர். அதில், ஒருவரை அப்பகுதி மக்கள் கையும் களவுமாக பிடித்த நிலையில், மற்றொரு இளைஞர் தப்பி ஓடிவிட்டார். பிடிபட்ட இளைஞரை பொதுமக்கள் மின்கம்பத்தில் கட்டி வைத்ததால் பரபரப்பு ஏற்பட்டது. அங்கு வந்த போலீசார் அந்த இளைஞரை மீட்டு காவல் நிலையத்துக்கு அழைத்து சென்று விசாரணை நடத்தி வருகின்றனர்.