ஓஎன்ஜிசி குழாய் பகுதியில் தீ விபத்து.! போராடி அணைத்த வீரர்கள்! திருவாரூரில் பரபரப்பு

திருவாரூர் அருகே ஓஎன்ஜிசி குழாய் செல்லும் பகுதி அருகே தீ விபத்து. ஒரு மணி நேர போராட்டத்திற்கு பின் தீயை கட்டுக்குள் கொண்டு வந்தனர்.

திருவாரூர் மாவட்டம் வெள்ளகுடி அருகே ஒஎன்ஜிசி நிறுவனத்திற்கு சொந்தமான கச்சா எண்ணெய் எடுத்துச் செல்லும் குழாய் விவசாய நிலத்திற்கு அடியில் அமைத்து கச்சா எண்ணெய் குழாய் எடுத்துச் செல்லப்படுகிறது. இந்த நிலையில் இன்று மன்னார்குடி திருவாரூர் சாலையில் வெள்ளக்குடி என்கிற இடத்தில் ஓஎன்ஜிசி குழாய் செல்கிற பகுதி அருகே ஒரு ஏக்கர் விவசாய நிலத்தில் மண்டி இருந்த கருவை காடு முழுவதுமாக தீப்பற்றி எரிந்துள்ளது.

அந்த பகுதியாக சென்றவர்கள் உடனடியாக காவல்துறையினருக்கும் தீயணைப்புத் துறையினருக்கும் தகவல் தெரிவித்துள்ளனர் சம்பவ இடத்திற்கு விரைந்து வந்த தமிழ்நாடு தீயணைப்பு துறையினர் மற்றும் ஓஎன்ஜிசிக்கு சொந்தமான தீயணைப்பு வாகனங்கள் 3 வாகனங்கள் இணைந்து ஒரு மணி நேர போராட்டத்திற்கு பின்னர் தீயை கட்டுக்குள் கொண்டு வந்தனர்.

இந்த நிலையில் ஓஎன்ஜிசி குழாய் செல்லும் பகுதி அருகே இந்த தீ விபத்து ஏற்பட்டதன் காரணமாக பொதுமக்கள் மிகுந்த அச்சம் அடைந்தனர். சிறிது நேரத்தில் தீயை அணைத்ததன் காரணமாக மிகப்பெரிய அளவிலான தீ விபத்து தவிர்க்கப்பட்டது. குறிப்பாக இந்த தீ விபத்துக்கு காரணம் சமூகவிரோதிகளா அல்லது ஓஎன்ஜிசி குழாயில் ஏதேனும் கசிவு ஏற்பட்டதா என்ற கோணத்தில் காவல்துறையினர் விசாரணை மேற்கொண்டு வருகின்றனர்...