மாத்திரை மூலம் உச்சகட்ட போதை.. ரகளை செய்த இளைஞர்களை தட்டி தூக்கிய போலீஸ்.. ஈரோடில் பதற்றம்

ஈரோடு மாவட்டம் அந்தியூரில் போதை மாத்திரைகளைப் பொடியாக்கி சிரிஞ்சு மூலம் உடலில் செலுத்தி தலைக்கேறிய போதையில் தகராறி ஈடுபட்டுக் கொண்டிருந்த 5 இளைஞர்களை போலீசார் சிறையில் அடைத்தனர். பெரிய ஏரி பகுதியில் காவல்துறையினரைக் கண்டதும் ரகளை செய்த இளைஞர்கள் தப்பியோட முயன்ற நிலையில் அவர்களை விரட்டிப் பிடித்து சுற்றி வளைத்து போலீசார் தீவிர விசாரணை நடத்தினர்... தேவராஜ், அபினேஷ், ஹரிஹரன், இளம்பரிதி, சுரேஷ் ஆகிய ஐவரும் ஆன்லைன் மூலமாக ஊசி மற்றும் மாத்திரைகள் வாங்கி அவற்றைப் பொடியாக்கி சிரிஞ்சு மூலம் உடலில் செலுத்தியது கண்டுபிடிக்கப்பட்ட நிலையில், அவர்கள் மீது வழக்குப்பதிவு செய்த போலீசார் சிறையில் தள்ளினர்.