பெற்றோரை கதிகலங்கவிட்ட 4 மாணவிகள் நிலை..?வீடியோவை பார்த்து பதறிய தமிழகம்.. பரபரப்பு தகவல்

கடலூரில் காணாமல் போன நான்கு பள்ளி மாணவிகள், சிதம்பரத்தில் மீட்கப்பட்டுள்ளனர்

கடலூர் புனித அன்னாள் அரசு உதவி பெறும் பெண்கள் மேல்நிலைப்பள்ளியில், 9ம் வகுப்பு பயின்று வந்த நான்கு மாணவிகள் காணாமல் போன நிலையில், புதுநகர் காவல்நிலையத்தில் புகார் அளிக்கப்பட்டது. இதனை தொடர்ந்து, பள்ளிக்கு அருகில் அமைக்கப்பட்டிருந்த சிசிடிவி கேமரா காட்சிகளை ஆய்வு செய்த போது, நான்கு மாணவிகளும் ஒன்றாக வெளியேறும் காட்சிகள் பதிவாகியிருந்தது. மாணவிகள் கடத்தப்பட்டிருக்கலாம் என்ற கோணத்தில் விசாரணை நடைபெற்றது. மேலும், மாவட்டம் முழுவதும் போலீசார் உஷார் படுத்தப்பட்டனர். பின்னர் சிதம்பரம் பகுதியில் நள்ளிரவில் சுற்றி திரிந்த நான்கு மாணவிகளிடம், அப்பகுதி போலீசார் விசாரணை மேற்கொண்டனர். விசாரணையில் , நான்கு மாணவிகளும் புனித அன்னாள் பள்ளியில் படிப்பவர்கள் என்பதும், சிதம்பரத்தில் வசிக்கும் தோழியை சந்திக்க வந்தனர் என்றும் தெரியவந்தது. மேலும், பெற்றோர் படிக்க வேண்டும் என வற்புறுத்தியதன் காரணமாக வீட்டை விட்டு வெளியேறிதாகவும் மாணவிகள் தெரிவித்தனர். பின்னர் மீட்கப்பட்ட 4 மாணவிகளும் பெற்றோரிடம் ஒப்படைக்கப்பட்டனர்.