வெளுத்து வாங்கிய கனமழை.. வீடுகளை சூழ்ந்த வெள்ளம் - அவதியில் மக்கள்

கடலூரில் கொட்டிய கனமழையால், குடியிருப்புகளை மழை வெள்ளம் சூழ்ந்தது. கடலூர் மாவட்டத்தில் கடந்த இரண்டு நாட்களாக விட்டு விட்டு கன மழை பெய்து வருகிறது. நேற்று இரவு கடலூர், நெல்லிக்குப்பம், ரெட்டிசாவடி, பண்ருட்டி, வடலூர்,நெய்வேலி உள்ளிட்ட பல்வேறு பகுதிகளில் இடி மின்னலுடன் கூடிய மழை பெய்தது. இதனால், கடலூரில் உள்ள பல பகுதிகளில் குடியிருப்புகளில் மழைநீர் சூழ்ந்துள்ளது. கடலூர் கங்கனாகுப்பம் பஞ்சாயத்துக்கு உட்பட்ட பாபா நகர், எம் ஆர் நகர் உள்ளிட்ட பல பகுதிகளை மழை, வெள்ளம் சூழ்ந்ததால், பொதுமக்கள் கடும் சிரமங்களுக்கு ஆளாகினர். பல வீடுகளில் தண்ணீர் புகுந்ததால், பொருட்கள் அனைத்தும் சேதமானதாக அப்பகுதி மக்கள் குற்றம்சாட்டியுள்ளனர்.