எரிவாயு குழாய் பதிக்க எதிர்ப்பு - தொடர் போராட்டத்தில் விவசாயிகள்

கோவை மாவட்டம் இருகூரிலிருந்து கர்நாடக மாநிலம் தேவனஹள்ளி வரை, விவசாய நிலங்கள் வழியாக எரிவாயு குழாய் பதிக்கும் பணி நடைபெற்று வருகிறது. அதற்கு எதிர்ப்பு தெரிவித்து பல்வேறு கட்டங்களாக விவசாயிகள் போராடி வரும் நிலையில், காடம்பாடியில் குழாய் பதிப்பிற்கு எதிர்ப்பு தெரிவித்து விவசாயிகள் ஆர்ப்பாட்டத்தில் ஈடுபட்டனர். அப்போது குழாய்கள் மீது மலர் தூவி ஒப்பாரி வைத்து போராட்டம் நடத்தினர். தொடர்ந்து போலீசார் அவர்களை அப்புறப்படுத்தியதால் விவசாயிகள் வாக்குவாதத்தில் ஈடுபட்டனர். இதனால் அங்கு பதற்றம் ஏற்படவே அப்பகுதியில் போலீசார் குவிக்கப்பட்டனர்.