தமிழகம் வந்த முக்கிய நபர்கள்...லிஸ்ட் போட்டு சொல்ல போகும் முதல்வர் ஸ்டாலின்

தமிழகம் வந்த முக்கிய நபர்கள்... லிஸ்ட் போட்டு சொல்ல போகும் முதல்வர் ஸ்டாலின்

தமிழகம் வந்துள்ள 16வது நிதி ஆணைய குழு, இன்று முதல்வர் ஸ்டாலினை சந்திக்க உள்ளது. அரவிந்த் பனகாரியா தலைமையிலான 12 பேர் அடங்கிய 16-வது நிதி ஆணையக்குழு 4 நாள் பயணமாக தமிழகம் வந்தது. சென்னை விமான நிலையத்தில், அமைச்சர் டிஆர்பி ராஜா மற்றும் அதிகாரிகள் அந்த குழுவுக்கு வரவேற்பு அளித்தனர். பின்னர், அங்கிருந்து நிதி ஆணைய குழு, சென்னை நங்கநல்லூரில் முன்னாள் ரிசர்வ் வங்கி கவர்னர் ரங்கராஜன் வீட்டிற்கு சென்று, அவருடன் ஆலோசனை நடத்தியது. தொடர்ந்து, இன்று தமிழக முதல்வர் ஸ்டாலின், துணை முதல்வர் உதயநிதி ஸ்டாலின் உள்ளிட்டோர் கிண்டி நட்சத்திர ஒட்டலில் நிதி ஆணைய குழுவை சந்திக்க உள்ளனர். அப்போது வரி பகிர்வின் அடிப்படையில் தமிழகத்துக்கு உரிய நிதியை வழங்க பரிந்துரைக்க வேண்டும் என்று நிதிக்குழுவிடம் முதலமைச்சர் ஸ்டாலின் வலியுறுத்த உள்ளதாக கூறப்படுகிறது. பின்னர் 3 நாள் தமிழகம் முழுவதும் நிதி ஆணையக் குழு சுற்றுப்பயணம் மேற்கொள்ள உள்ளது.