குளு குளுவென மாறிய சென்னை - சூறை காற்றுடன் வெளுத்து வாங்கிய கனமழை!

சென்னையில் நேற்று இரவு ஒரு மணி நேரத்திற்கு மேலாக சூறை காற்றுடன் கனமழை வெளுத்து வாங்கியது.

சென்னை உள்ளிட்ட 3 மாவட்டங்களுக்கு இடி மின்னலுடன் கூடிய மழைக்கு வாய்ப்பு உள்ளதாக வானிலை ஆய்வு மையம் தெரிவித்திருந்தது. இந்த சூழலில், காமராஜர் சாலை, அண்ணா சாலை, தேனாம்பேட்டை, மயிலாப்பூர், மந்தைவெளி, அடையாறு, கீழ்ப்பாக்கம், அமைந்தகரை, வடபழனி, அண்ணா நகர் உள்ளிட்ட பகுதிகளில் நேற்று இரவு ஒரு மணி நேரத்திற்கும் மேலாக கனமழை பெய்தது. இதேபோல, புறநகர் பகுதிகளான மதுரவாயல், ஆவடி, அம்பத்தூர், செங்குன்றம் உள்ளிட்ட பகுதிகளில் ஒரு மணி நேரத்திற்கு மேலாக மழை கொட்டித்தீர்த்தது. இதனால் இரவு நேரத்தில் சென்னை முழுவதும் குளிர்ச்சியான சூழல் நிலவியது.