சென்னையில் திடீரென மேகம் திரண்டு சூறாவளி காற்றுடன் கனமழை..வானில் வட்டமிட்ட விமானங்கள்

சென்னையில் திடீரென மேகம் திரண்டு சூறாவளி காற்றுடன் கனமழை..வானில் வட்டமிட்ட விமானங்கள் - அதிர்ச்சி காட்சிகள்

சென்னை தாம்பரம், பல்லாவரம் சுற்றுவட்டார பகுதிகளில் திடீரென்று சூறைக்காற்று வீசியதால் வாகன ஓட்டிகள் கடும் சிரமத்திற்கு ஆளாகினர். காலை முதல் வெயில் வாட்டி வதைத்து வந்த நிலையில், மாலையில் மேகம் திரண்டு திடீரென்று சூறைக்காற்று வீசத் தொடங்கியது. சாலைகளில் புழுதி பறந்ததால் வாகன ஓட்டிகள் மிகுந்த சிரமத்துக்குள்ளானார்கள். ஆங்காங்கே மரங்கள் முறிந்து விழுந்ததால் மின்சாரம் துண்டிக்கப்பட்டது. இதேபோல், திருவான்மியூர், மத்திய கைலாஷ் சுற்றுவட்டார பகுதிகளில் திடீரென காற்றுடன் கூடிய மழை பெய்ததால் வாகன ஓட்டிகளும், பாதசாரிகளும் கடும் அவதிக்குள்ளாகினர்.