மவுண்ட் ரோடு தர்காவில் இஸ்லாமியர்கள் போராட்டம் - பரபரப்பு

சென்னையில் பிரசித்தி பெற்ற மவுண்ட் ரோடு தர்காவில் பணிக்காலம் முடிந்தும் தர்காவின் நிர்வாகி சட்டத்துக்கு புறம்பாக பணியாற்றுவதாக கூறி, இஸ்லாமியர்கள் உள்ளிருப்பு போராட்டத்தில் ஈடுபடனர்.

உலக பிரசித்தி பெற்ற ஹஜரத் சையத் மூஸா ஷா காதறி தர்கா, சென்னை அண்ணா சாலையில் உள்ளது . வாரந்தோறும் வியாழன் மற்றும் வெள்ளிகிழமைகளில் ஆயிரக்கணக்கானோர் வந்து சிறப்பு வழிபாடு செய்து வரும் நிலையில், அதிகாரத்தை மீறி செயல்படும் நிர்வாகி சையத் மசாருதீனை கண்டித்தும், வக்ஃப் வாரியத்தை கண்டித்தும் இஸ்லாமிய ஆண்கள் மற்றும் பெண்கள் தர்காவை முற்றுகையிட்டு போராட்டத்தில் ஈடுபட்டனர். இசையமைப்பாளர் ஏஆர்.ரகுமான் முதல் அமைச்சர்கள் வரை பல்வேறு தரப்பினர் தர்காவிற்கு நிதி கொடுத்து வரும் நிலையில், தங்களுக்கு அந்த பணத்தை கொடுக்காமல் அலைக்கழிப்பு செய்வதாகவும் அவர்கள் குற்றச்சாட்டை முன்வைத்தனர். எனவே, வக்ஃப் வாரியம், மவுண்ட் ரோடு தர்காவின் நிர்வாகிகளை வெளியேற்றிவிட்டு புதிய நிர்வாகிகளை நியமிக்க வேண்டும் என்றும், இல்லையெனில் விரைவில் சாலை மறியல் போராட்டம் போராட்டத்தை முன்னெடுப்போம் என்றும் அவர்கள் தெரிவித்தனர்.