சென்னை Triplicane-ல் கேட்ட அலறல் சத்தம் - ராகவேந்திரா கோயில் ஊர்வலத்தில் நடந்தது என்ன?

சென்னையில், பிரபல ராகவேந்திரா கோயில் சாமி ஊர்வலத்தில் நிகழ்ந்த பட்டாசு விபத்தில்.. கோயிலில் தன்னார்வலராக பணிபுரிந்து வந்த மூவர் படுகாயம் அடைந்திருக்கின்றனர். சம்பவத்தின் வீடியோ காட்சிகள் வெளியாகி பதற வைத்திருக்கும் நிலையில், பார்க்கலாம் விரிவாக...

சென்னை திருவல்லிக்கேணி டி.பி. கோவில் தெருவில் உள்ள பிரபல ராகவேந்திரா கோயிலில்தான் இந்த விபத்து அரங்கேறி இருக்கிறது...

தீபாவளி தினத்தன்று நடந்த சாமி ஊர்வலத்தில், பக்தர்கள் வெடித்த பட்டாசு பெரும் விபரீதத்தை ஏற்படுத்தி, கோயிலில் தன்னார்வலராக பணிபுரிந்து வந்த இரு பெண்கள் உட்பட மூவரை தீக்கிரையாக்க பார்த்திருக்கிறது..

சாமி ஊர்வலத்தின் போது, பக்தர்கள் பற்ற வைத்த ராக்கெட் ஒன்று, கோயிலுக்குள் வந்து விழுந்ததாகவும், இதில் கோயில் சார்பில் வெடிக்க வைக்கப்பட்டிருந்த பட்டாசு வெடித்ததில் பிரசாதம் கொடுக்க நின்றிருந்த கோயில் தன்னார்வலர்களான மூவர் படுகாயமடைந்ததாகவும் கூறியது பதற வைத்திருக்கிறது...

தீக்காயமடைந்த மூவரையும், முறையாக ஆம்புலன்ஸ் வரவழைத்து கோயில் நிர்வாகம் சார்பில் அழைத்துச் செல்லவில்லை எனவும், நடக்க வைத்தே அருகில் உள்ள மருத்துவமனைக்கு அழைத்துச் சென்றதில் தன் மனைவிக்கு வலிப்பு வந்தது விட்டதாகவும் கூறியது அதிர்ச்சியை ஏற்படுத்தி இருக்கிறது...

40 சதவீதம் வரை படுகாயமடைந்து வெவ்வேறு மருத்துவமனைகளில் தீவிர சிகிச்சை பிரிவில் மூவரும் அனுமதிக்கப்பட்டிருக்கும் நிலையில், இதுவரை கோயில் நிர்வாகம் சார்பில் எந்தவொரு உதவியும் செய்யவில்லை என வேதனை தெரிவிக்கிறார்..